Le sous prefet aux champs

A Daudet en câochouè

Moussieu L’ Sous_Préfet aux champs

Moussieu l’ Sous_Préfet s’en va en tôrneye

Cocher d’vant pis laquais drié , aveu la ca’’ette d’ la Préfectu ‘ ; pou ‘ s’ n’ aller au concours agricole du triège des Alouettes

Pa ‘ c’ te belle jôrneye çù biâo flambin s’est empouquè d’sen biâo costeume brodè , sen p’tit capè , sa belle braie à bande d’ ergent ; pis d’ s’ en épée d’ gala à la pougnie d’ nâce

Sù ‘ ses g ‘noux r’ pose sen carte d’ piâo d’ chagrin , Qu’ I r ‘gâde aveu tristèche

I pense à sen famùx discours , pisqu ‘ I va câoser à ses administrès

Mais I la bel d’se tritouiller la souè d’ses biâos qu’ veux blancs , pis d’ répéter vingt feis d’suite ,

« Méssieux ,che’s administrès «  cha veut pin v’ni ‘ comme I vôdrait !!!!

Pis d’ toute fachon , fait trop câod d’dans la ca’’iole , à perte d’ vue le qu’ min d’ poussiè ‘ sous l’ solei ‘ d’ mindi , dans c’te breume d’ caleu ‘ , cha l’ inspi ‘ pouint ;

Chaque côtès d’ la caveye les grillons s’ pâlent ente_eux , pis sù ‘ l’ coup I apercheu eun tit bosc d’ quênes qui chembe y fait des seignes

V’nez vos en vos mette à l’ âbri d’ ma quéneye pou ‘ côposer vote tite note ; l’ Sous _Préfet r ‘ est séduit comme eune pucelle ?I d’ chend sen bannet , pis dit comme cha à ses vaudriers d’ attende là ! I s’en va écrit sen papiè sous les branques au frais

Dans la futaiye y arait des osiâos , des violettes , pis des rus qui frémissent sous la mouche

Mès qu’ I l’ veyent les osiâos , les violettes , pis les gou’s I n’ont pue , forchement ceuzes là ! n’ araient jamais vu d’sous _Préfet , I s’ posent des queustions les euns aux âot , quiqu ‘ch ‘est qu’ çù horzain ? , ch ‘est _y eun prinche aveu ses braies d’ ergent , tertous s’ muchent au miùx pas !

L’ Prefet proufite du silenche , I leuve cha queue d’ pie pou ‘ s’ accrampi ‘ , pis s’ assit à pièd d’eun jâne quêne !

Cha deut _ête eun artisse qu’ a dit comme cha la fauvette , non I raponne l’ bouvreuil ,I l’ est en culotte d’ ergent cha deut _ ête eun prinche au mouins ! mais l’ viùx Rossignol qui n’ a vu d’ âot , li qui cante tout l’ étè d’dans les gardins d’ la Prefectu ‘ , I les rassu’ eun p’tieu , est eun sous_prefet qui leu ‘ dit , pis les violette d’ mandent si ch ‘est eune bêite dang’rùse , l’ rossignol raponne non !

Tertous ont r’prind leu ‘ occupaâtions chans pusse d’ ariâs

Le sous_prefet d’ mande l’aide à la muse agricole de s’ en v’ni ‘ l’ inspirer pou ‘ çù famùx discours , pis I r ‘ échaye cha formeule

« Méssieus che’s administrès ! l’ crâyon à bord des lèves , I pense , tout à coup d’aucun riôche , I s’ ratôrne pis quiqu ‘I veye sù ‘ eune branque , eun pleu_pleu juquè qu’I y fait comme cha «  à quoâ bon ! « 

Comment à quoà bon qu’I dit l’ sous_ prefet quiqu ‘ ch’est que c’ t’ éffronteye qu’ a osè ?! rouge d’ colé’ I câche l’ oisel d’ môvais genre !

Pis les violettes s’en viennent itou à leu ‘ tou ‘ pou ‘ l’ attiseye d’ leu odeu ‘s , les rus d’leu ‘ chuint’ments les osiâos y v ont d’ leu biâos atou’ pareill’ment tous ensembe pou ‘ l’ élugè ,I font leu numeros

Dès lors sâolè pa ‘ les éffluves d’ la natu ‘ ,I s’ débrêle et s’ couche sù ‘ la mouche fraîque

I l’ enviye proum’ner ses administrès , pis les muses qu’ i vouèlent pou ‘ s ’ mucher à leu r ‘gârds

Au bout du compte les gens du villâge , sen domestique s’ inquiètent de sen r ‘ tard , pis I viennet vei ‘ oyou qu’I n’est

Biè seurpris d’ le trôver nu dans la forêt I f ‘ sait pue queu ‘ péstaque pou ‘ eun grand Moussieu , I chiquait des tiges d’ violettes en train d’ échayer d’ rimailler